СУҠБАЕВ Сәләхетдин Хөсәйен улы

СУҠБАЕВ Сәләхетдин Хөсәйен улы (10.6.1935, БАССР‑ҙың Өфө районы Нөрлө а. — 17.2.2021, Өфө ҡ., тыуған яғында ерләнгән), журналист. БАССР‑ҙың атҡаҙанған мәҙәниәт хеҙмәткәре (1974), ТВ һәм радио отличнигы (1984). Журналистар союзы ағзаһы (1964). БДУ‑ны тамамлаған (1960). 1962 й. алып “Башҡортостан” ДТРК‑ның телевидение студияһында эшләгән, төрлө йылдарҙа мөхәррир, өлкән мөхәррир; 1986 й. алып ижтимағи‑сәйәси радиотапшырыуҙар редакцияһы баш мөхәррире; 1992—2001 йй. радиотапшырыуҙар студияһының “Заман” ижади берекмәһе етәксеһе. “Иман. Исламдың әхлаҡи ҡиммәттәре” (1992 йй. алып) радио программаһы авторы һәм алып барыусыһы. Башҡорт телендәге мосолман календарын төҙөүселәрҙең береһе. Ш.Хоҙайбирҙин исемендәге премия лауреаты (1996).

Х е ҙ м.: Говорит Уфа. Уфа, 2004 (авторҙ.).

Тәрж. М.Ә.Ҡотлоғәлләмов