ЧЕРНЫШЁВ Феодосий Николаевич

ЧЕРНЫШЁВ Феодосий Николаевич (12.9.1856, Киев — 2.1.1914, С.-Петербург), геолог, палеонтолог. Император С.-Петербург ФА акад. (1909), проф. (1908). С.-Петербург тау ин-тын тамамлаған (1880). Фәнни эшмәкәрлеге тектоника, стратиграфия, палеонтология, петрография һ.б. өлкәләрҙәге тикшеренеүҙәргә арналған. Ч. тарафынан Арктикала, Урта Азияла, Алтайҙа һ.б. синхронлы ҡатламдарҙы бүлгеләүҙә нигеҙ булған Уралдағы палеозой ултырмаларының стратиграфияһы эшләнгән; Поляр түңәрәге аръяғының (Тиман һырттары, Яңы Ер, Шпицберген архипелагтары) девон һәм өҫкө карбон фаунаһы б-са палеонтология мәғлүмәттәре йыйылған; Уралдың көнсығыш битләүенең петрографияһы өйрәнелгән. Уның етәкс. Донецк басс. геол. планын төшөрөү башланған (1892). 60-тан ашыу фәнни хеҙмәт авторы. Император Рус география йәмғиәтенең физик география бүлеге рәйесе (1902—05). 3-сө (1896) һәм 4-се (1894) дәрәжә Изге Владимир, 1-се (1906) һәм 2-се (1890) дәрәжә Изге Анна, 1-се (1903) һәм 2-се (1886) дәрәжә Изге Станислав орд., ш. уҡ сит ил орд. м-н бүләкләнгән.

Хеҙм.: Материалы к изучению девонских отложений России //Труды Геологического комитета. СПб., 1884. Т.1. №3; Фауна нижнего девона западного склона Урала //Шунда уҡ. 1885. Т.3. №1; Фауна Среднего и Верхнего девона Западного склона Урала //Шунда уҡ. 1887. Т.3. №3.

Тәрж. Э.М.Юлбарисов