Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ДӘҮЛӘТЙӘРОВ Муллайән Хәбибйәр улы

Просмотров: 1675

ДӘҮЛӘТЙӘРОВ Муллайән Хәбибйәр улы (2.11.1957, БАССР‑ҙың Борай р‑ны Ишмәмәт а. — 7.7.2015, Неаполь ҡ., Италия; тыуған яғында ерләнгән), рәссам. БР‑ҙың атҡ. рәссамы (2010). Рәссамдар союзыағзаһы (1995). 2‑се Өфө пед. уч‑щеһын (1982), БДПУ‑ны (2000) тамамлаған. 1997 й. алып  2‑се Өфө пед. колледжында, 2001 й. башлап ӨДСА‑ла уҡыта. Рәссамдар ижадисоюзы идараһы президенты (2001— 02). Рәсем сәнғәте, графика, биҙәү-ҡулланма сәнғәте өлкәһендә эшләй. “Баш күтәреүсе”, “Йома” (икеһе лә — 1997) полотноларында, “Башҡорттарҙың ырыу тамғалары” (1996), “Халыҡ мотивтары буйынса” (2000) серияларында рәссамдың нәфис теле — ыҡсымлыҡ, образдары символик-аллегорик формалары м‑н айырыла. Графика эштәрендә байтаҡ урынды стилгә һалынған пейзаж алып тора: “Ҡоштар китте” (1985; ҡатырға, гуашь), “Яҙғы ҡайындар” (1989; ҡатырға, гуашь), “Ауыл мотивтары” серияһы (2008; ҡағыҙ, акв.). Д. ағас эшкәртеү техникаһында (ҡара: Нәфис ағас сәнғәте) үҙенсәлекле ижауҙарҙан торған “Декоратив композиция” серияһын ижад итә (1997). “Артыш” ижади берекмәһе ағзаһы (1995). 1984 й. алып күргәҙмәләрҙә ҡатнаша. Эштәре БДХМ, “Мираҫ” галереяһы (Өфө) коллекцияларында, Рәсәй һәм сит илдәрҙә шәхси йыйылмаларҙа һаҡлана.

Әҙәб.: Профессиональное декоративно-прикладное искусство Башкортостана: кат. 2‑й респ. выставки /авт.‑сост. С.В.Евсеева. Уфа, 2002.

 

Л.В.Бондаренко

Тәрж. Ә.Х.Ҡоҙабаева

Дата публикации: 10.10.2019
Дата последнего обновления публикации: 18.10.2019
Связанные темы рубрикатора: